Tanba Tauk Inan Aman, Feto Ne’e Hakoi Nia Bebe Moris Deit Durante Loron Tolu

0
1568

Sente triste bainhira rona informasaun labarik ne’ebe soe hosi nia inan aman rasik. Tuir loloos inan aman barak mak hakarak iha oan. Maibe faktu mak sei iha ema barak mak hakarak tebes soe sira nia oan ne’ebe sira la espera.

Hanesan ho istoria labarik oan ne’ebe deskreve iha notisia ne’e, milagre akontese ba labarik ne’e halo publiku admira tebes.

Hanesan fo sai hosi sitiu Mirror, sosiedade hetan labarik oan ida iha tasi ibun. Momentu ne’e detekta iha armajen ida ne’ebe lokaliza iha sidade Paddock, distritu KwalaZulu-Natal, Afrika Sul.

Bebe mane oan ne’e hetan hosi empregadu fabrika ai ne’ebe mak rona lian tanis. Empregadu barak mak hakfodak ho bebe nee nia lain tanis maibe la hatene loos tanis ne’e mai hosi diresaun ne’ebe?

Sira hotu kuriozu no buka tuir tanis ne’e, sira hotu hakfodak tebes bainhira rona katak tanis ne’e mai hosi rai okos. La deskonfia, bainhira kee sai, realidade sira hetan bebe oan ida ne’ebe mak sei moris.

Labarik ne’e nia inan soe ho razaun tanba tauk nia parentes la aseita atu hetan tan labarik segundu. Too nia inan hakoi bebe ne’e moris deit durante loron tolu!

Feto tinan 25 hosi sidade Izingolweni distritu Ugu KwaZulu-Natal admite ba polisia kona ba saida mak nia halo ona.

HALLO.TL

HUSIK RESPOSTA