TDD Adia Julga Kazu Violensia Feen Hasoru Laen

0
246
Foto Ilustrasaun - Pratika Violensia Domestika Feen Hasoru Laen @Foto Google

Tribunal Distrital Dili (TDD), adia julgamentu ba kazu ofensas integridade fizika simples ho natureza violensia domesktika, envolve arguida MCF tuda lezadu PL ho fatuk kona iha uluk too raan.

Tuir kronolojia katak arguida ho lezada moris hamutuk nudar feen lae iha tinan 2008, no iha oan hamutuk nain tolu (3).

Iha tinan 2016, data no oras la apuradu, iha sira nia uma Matadoru, Dili, lezadu foin fila hosi ba vizita nia kolega moras iha opstial. bainhira lezadu too iha uma, arguida prepara hela atu ba haris fatin, haluha lori gayun, entaun arguida haruka lezadu foti.

Maibe iha latura neeba lezadu la foti, tanba kolen foin fila hosi ospital, entaun halo arguida nervozu hodi foti fatuk tuda lezadu no ikus mai rezultadu lezadu nia ulun raan.

Ho hahalok arguida nian nee, Ministeriu Publiku akuza arguida nuudar autor prinsipal ba kazu krime ofensas integridada fizika simples ho natureza violensia domestika, tuir artigu 145 Kodigu Penal Timor Leste nian.

Julgamentu ba kazu nee la konsege halo, tanba arguida nebe mak nudar autor prinsipal ba kazu nee la marka prezensa. Nunee juis singular Maria Modesta neebe julga kazu nee, marka fali julgamentu ba loron 07 fulan Marsu 2019,

Ministeriu Publiku reprezenta hosi prokurador Hipolito Santa no arguida hetan asistensia legal hosi defensor publiku Joao Carvalho. (Jxy)

FONTES: Jornal Timor Post Edisaun Sabadu 15 Dezembru 2018

HUSIK RESPOSTA