TELEMOR HAMUTUK HO ORGANIZASAUN SIRA SELUK LORI SASAN SIRA HODI APOIU VÍTIMA INUNDASAUN SIRA IHA ALDEA TERUS NAIN-SUKU VILA VERDE.

0
2181
  • Vítima inundasaun sira iha aldea Terusnain-suku Vilaverde simu apoiu hanesan fos, mina, no sasan sira seluk hodi hamenus difikuldade sira ne’ebé mak kauza husi inundasaun iha sesta 13 Marsu 2020 semana kotuk.

Dili-Inundasaun ne’ebé mak akontese iha sesta 13 Marsu 2020 semana kotuk kauza estragu barak ba populasaun sira iha Dili laran. Uma barak mak hetan estragu totalmente husi inundasaun ne’e no obriga vítima ho sira-nia familia  husik hela sira-nia hela fatin hodi ba hela iha fatin seluk. Situasaun ida-ne’e presiza apoiu husi parte hotu hodi bele aselera rekuperasaun ba vítima sira husi inundasaun refere.

Telemor nu’udar kompañia ne’ebé mak halo mós negósiu iha Timor-Leste sente iha responsabilidade moral atu fó apoiu ba guvernu hodi hasoru situasaun ne’e atu hetan rekuperasaun hodi fornese sasan nesesidade báziku sira atu bele responde ba nesesidade báziku loron-loron nian.

Ho nune’e, iha loron 18 Marsu 2020, Telemor partsipa direitamente iha atividade fahe sasan ba vitima sira iha aldea Terusnain suku Vilaverde.

Vise Diretór Jerál Telemor nian, Sr. Eric hateten, “Telemor nu’udar kompañnia ida ne’ebé mak halo negósiu iha Timor-Leste ho ninia valór prinsipál ida ne’ebé mak hateten negósiu hala’o ho responsabilidade sosiál. Ho nune’e, ohin loron ami mai hodi entrega sasan sira-ne’e ba vitima inudasaun sira, liuliu iha aldea Terusnain suku Vilaverde. Ha’u espera kompañia sira seluk mós halo hanesan saida ma kami halo daudaun. Ha’u espera vítima sira nafatin iha saúde ne’ebé mak di’ak no hetan rekuperasaun lais husi situasaun ida-ne’e.”

Atu ajuda vítima inundasaun sira iha Dili, Telemor kopera ona ho Secretario Estado Protecao Civil (SEPC) liuhusi entrega fos saku 100, mina goreng kaixa 20, supermi sedap kaixa 20, kamizola Telemor 20, pasta Telemor 20 no kapa udan Telemor 100.

Durante investimentu iha Timor-Leste, Telemor halo ona koperasaun ho ajénsia guvernu nian no organizasaun sira seluk hodi hala’o atividade sosiál hanesan halo limpeza tasi ibun, tratamentu médiku gratuita ba povu kbiit laek sira iha área rurál no atividade sira seluk tan.

Fontes: Hallo.tl

HUSIK RESPOSTA