Tik-Tak La’os Inur Transforma Nia Estratejia Jogu

0
138
Kontra-atake entre jogador Inur Transforma FC no Karau Fuik FC.
               
   Treinador klube Terseira Divizaun, Inur Transforma FC Carlito da Cruz hateten Inur partisipa iha Liga Futebol Amadora (LFA) atu gaña vitoria, maibe la’os uza estratejia tik-tak hodi anima adeptu sira.
     Tanba ne’e, mak ohin ekipa refere hatudu duni jogu ne’ebe ho estratejia kontra-atake maka’as hasoru nia adversariu Karau Fuik FC, iha ne’ebe konsege manan ho rezultadu 2-0 iha jogu kontinuasaun Terseira Divizaun LFA epoka 2019 ne’ebe hala’o iha kampu Federasaun Futebol Timor Leste (FFTL), Bairru Formosa, Dili, kuarta ne’e. Inur mai partisipa iha Liga ne’e atu manan, la’os mai atu hatudu deit tik-tak hanesan Barcelona hodi anima adeptu sira. Ida-ne’e ami lae! Ami hakarak manan! Ohin manan tan , Carlito tenik.
   Entretantu, treinador Karau Fuik FC, Gaspar Amaral rekoñese nia ekipa la hatudu duni jogu ne’ebe mak diak hodi rezulta nia ekipa lakon. Ami ohin ne’e jogu ladiak duni. Maibe, ba oin, hanesan treinador, hau sei hadia diak liutan ami nia jogu. Jogu hanesan ne’e sempre iha lakon no manan, treinador ne’e haktuir.
   Golu vitoria Inur produs husi jogador Marcos Casimiro iha minutu 32 no Francisco Tilman iha minutu 77. Jogu refere dirije hosi arbitru Romάrio Malitety, juiz liña Juviano Reis, Pedro Braga no arbitru rezerva, Artur Belo.
                          Fontes: Tatoli.tl                             Tr.: Hallo.tl

HUSIK RESPOSTA