Time Magazine Selesiona Greta Thunberg Sai Hanesan Person of the Year

0
296
Greta Thunberg
                       
  Time Magazine estabelese ona ativista klimatika husi Swedia Greta Thunberg hanesan figura anual ida ou Person of the Year 2019. Thunberg koñesidu hanesan vokal urgente remosaun medida hodi hasoru krise klimatika global.
  Feto ho tinan 16 ne’e komesa halo’o asaun iha fulan agostu 2018 ho halai husi eskola no akampar iha palasiu parlamentu Swedia oin, husu ba governu lokal atu foti asaun ba perigu mundansa klimatika. Husi ne’eba, kampaña Thunberg mais expandiu sai hanesan movimentu global ida.
  Iha fulan 16 deste inisiu kampaña ne’e, nia [Thunberg] koalia ona iha lideres governu ONU, reuniaun ho Papa, Debate ho Presidente Estados Unidos, no inspirasaun ba ema millaun atu hodi hamutuk iha asaun greve klimatika global (Global Climate Strike) iha 20 Septembru, maoir demonstrasaun klimatika historia sivilizasaun humana nian, hakerek iha Time Magazine.
  Margaret Atwood halo’o kompara nia ho Joan of Arc. Depois hatene katak liafuan ‘Climate Strike’ uza dala barak ona, espesialmente disionariu husi Collins Dictionary temi ideia inovadora Thungberg ne’e hanesan Word of The Year.
 Thunberg sei aniversariu ba dala 17 iha Janeiru mai ne’e. Nia mos sei kampañ ate agora, inclusive mos iha semana passadu liu ba iha Madrid. Kada tinan, Time Magazine estabelese ema balu, grupu, movimentu ou ideia ne’ebe bele influensiar ema barak iha periodu tempu fulan 12. Tinan liu ba ne’e maka grupu jornalista Thee Guardians ne’ebe selesiona ona depois revelasaun artigu ate halo’o perigu liu.
  Ami ilustra Person of The Year hanesan ema ida ne’ebe influensia tebes ba eventu iha tinan ne’e, diak ou a’at. Maibe tuir lolos ne’e hau seriamente hanoin hela deit tanba Time Magazine maka kona-ba ema barak no ideia ne’ebe forma mundu no Person of The Year no mos kona-ba sira ne’ebe forma ona iha tinan ida ne’e, dehan editor chefe Time, Edward Felsenthal.
   Iha lista Person of The Year mos konsidera Donald Trump, Nancy Pelosi, The Whistleblower no Hong Kong. Ate agora ne’e, Greta Thunberg maka individiu ne’ebe joven liu hodi sai hanesan Person of The Year husi Time Magazine.
Fontes: CNN Indonesia

HUSIK RESPOSTA