Timoroan Ho Porsentu 50 Husi idade 15-24 Kuaze Ko’alia Lia-Portugés

0
278

DILI, (TATOLI) – Diretór Jerál Estatístika, Ministériu Planu no Finansas (MPF), Elias dos Santos Ferreira, hatete sensus ne’ebé organiza dala tolu iha Timor-Leste ne’ebé haree ba dezenvolvimentu língua portugés iha Nasaun ne’e hatudu rezultadu ne’ebé di’ak. Kuaze timoroan porsentu 50 ho idade 15-24 tuir sensus 2015 hatete ko’alia, lee no hakerek iha lia-portugés kompara iha 2010 porsentu 39.3.

“Ida ne’e persentajen ida ne’ebé boot, maibé ita ba fali grupu idade tinan neen ba leten, ita Timór ne’e porsentu 33.3 ne’e ko’alia portugés”, Elias dehan hafoin aprezenta sensus edukasaun 2015 nian sobre dadus língua portugeza iha ámbitu semana lia-portugés liuhusi konferénsia ensinu língua portugeza konkista, dezafiu no aliansa iha Arkivu no Muzeu Rezisténsia, ohin.

Tanba ne’e Elias husu atu kontinua nafatin polítika husi Ministériu Edukasaun nian liuliu polítika eskola portugés nian no eskola bázika sira ne’e hadi’ak maka bainhira halo fali sensus iha 2020 no husu nafatin pergunta ne’ebé hanesan ba sira hanoin neineik maibé beibeik persentajen husi portugés ne’e sa’e maka’as.

Dirijente ne’e mós katak sobre dialetu iha Timor-Leste iha 38 no tuir sensus ne’ebé halo Mambae mak iha persentajen boot liu tuirmai mak Makasae.

Sobre lingua hotu ita Timor-Leste, iha sensus 2004, 2010 no 2015 bainhira halo komparasaun ba lia sira-Tetun, Indonézia, Inglés no Portugés, porsentu 85 timoroan ne’e ko’alia tetun husi grupu idade 10 ba leten.

“Tuir fali mak indonézia tanba ita hotu hatene kalan-kalan ita haree hela de’it sinetron sira ne’e mak sa’e mas ita kompara entre 2004 no 2010 iha 2004 nia sa’e  depois iha 2010 nia tun tiha ba porsentu 40 depois iha 2015 sa’e fali ba 41.1 mas sa’e neineik no portugés mak nia sa’e maka’as”, katak tan.

Fontes : Timor agora 

HUSIK RESPOSTA