‘Top Gun’ ho apoiu Tencent, hasa’i bandeira Taiwan husi Tom Cruise nia Jaket.

0
314

Trailer  foun ba sekuel blockbuster 1986 “Top Gun”, kauza kontroversaun tamba Tom Cruise uza jaket ikonika bomber iha nia filme orijinal – maibe ho mudansa rua.

Iha trailer Paramount Pictures husi “Top Gun : Maverick,” jaket ne’ebe taka ho bandeira Japaun no Taiwan parese troka ona ho simbolu ambijiu rua iha eskema kor ne’ebe hanesan –  ne’ebe halo espekulasaun iha media sosial katak  troka ida ne’e halo hodi hakalma Xina.

Utilizador Twitter balun ho lalais hatudu katak Teknolojia Tencent Bo’ot Xina (TCEHY) hanesan parseiru Paramount iha filme, ne’ebe tuir ajenda sei sai iha tempu veraun tuir mai. Tencent hatete iha dezembru katak subsidaria Tencent Pictures hanesan “investedor ida no co-komersiante” husi sekuel ne’ebe antisipada tebes.

Paramount Pictures, ne’ebe nain husi Viacom (VIA), no Tencent Pictures seidauk imediatamente responde ba komentariu.

Relasaun entre Xina no Japaun kleur ona nakonu ho tensaun iha tinan hira ikus tensaun ne’e aumenta iha illa-illa ne’ebe disputa iha tasi leste Xina.

Xina no Taiwan mos iha relasaun ne’ebe komplexa – Taiwan hamrik mesak ona dezde fahe malu husi Xina iha tinan 1949, maibe Beijing sei hare’e illa ne’eba hanesan ninia teritoriu, no iha dekada hira tenta ona ameasa ka hama’us atu hamutuk fila fali ba kontinente.

Hanesan parte ida husi kampana, Xina presiona kompania aero no governu iha mundu tomak hodi mensiona Taiwan hanesan teritoriu Xina muda nia aliansa diplomatika husi Taiwan ba Xina.

Kampana lao ho diak no susesu, ho kompania aero ne’ebe bo’ot hanesan United Airlines (UAL), Delta Airlines (DAL), Marriott (MAR), American Express (AXP), no Goldman Sachs(GS) monu iha lina. Agora, utilizador media sosial akuza Paramount tuir hanesan nia.

“Filme ida ne’e foti aas militar EUA, hakruk ba sensitivu Xineza,” hakerek husi ema ida iha Twitter. Sira seluk hatete bandeira ne’ebe troka hanesan ezemplu ” instrumentu ne’ebe barak liu tan husi Xina nia forsa koersaun.”

Orijinalidade “Top Gun” 1986 ajuda halo Tom Cruise sai fitun. Iha trailer foun , aviador naval ne’ebe buka perigu laiha mudansa barak. Nia kontente ho nia moris hanesan kapitaun – maske se hanesan nia superior ponta sai, nia tenki sai admirante agora – no moris iha limita.

Iha aparisaun surpreza iha Comic Con, San Diego semana kotuk, Cruise debut nia trailer iha fans sira nia ne’ebe hakilar deha, “tinan 34 liu ba ha’u halo filme… Mai ha’u Top Gun koalia kona ba kompetisaun, kona ba familia, kona ba sakrifisiu, kona ba heori no aviasaun.”

Tencent Pictures mos halo ona afiliasaun ho filme-filme popular Paramount sira seluk, inklui “Wonder Woman,” “Terminator : Dark Fate,” no “Warcraft, Kong: Skull Island,” bazeia ba kompania.

Fontes : CNN News/Bussiness

Tr. : Hallo.tl

HUSIK RESPOSTA