UNTL- UNIVERSITY OF DANANG REALIZA SEMINÁRIU INTERNASIONÁL “Information Technology and Research Trends at the University of Danang, Vietnam”

0
251

Universidade Nasional Timor Lorosa’e (UNTL) ho University of Danang, husi Vietnam, organiza hamutuk semináriu Internasionál kinta-feira (4 Outubru) iha Auditoriu Muzeum Resistência Timorense ho tema “Information Technology and Research Trends at the University of Danang, Vietnam”

Magnifiku Reitór UNTL, Professor Doutor Francisco Miguel Martins hateten atualmente dezenvolve hela Departamentu Enjeñaria Informátika iha Fakuldade Enjeñaria, Siénsia i Teknolojia.

“Ita dezenvolve hela Siénsia Informátika i Teknolojia liuhusi Departamentu Enjeñaria Informátika, Fakuldade Enjeñaria, Siénsia i Teknolojia nomós Sistema IT iha Universidade”.

Alende ne’e koopera hamutuk ho University of Danang hodi bele ajuda estudante no professór hodi eleva sira-nia koñesimentu iha teknolojia informátika.

“UNTL asina ona MoU ho University of Danang kona-ba peskiza no publikasaun hamutu, mobilidade estudante no dosente sira nomos bolsu estudu ba profesór sira bá halo mestradu no dotoramentu iha área informasaun I teknolojia”

Magnífiku Reitor salenta tan katak Universidade públika la taka an maibé nakloke ba universidade husi nasaun hotu. Tan halo ona kooperasaun ho instituisaun 200 resin tantu universidade públika I privada no mos instituisaun governamentál i nongovernamentál iha kontinente hotu.

Entretantu Professor VO TRUNG HUNG Diretor, Research and Development Department husi University of Danang hateten hafoin asina tiha akordu kooperasaun ho Magnífiku Reitór UNTL semináriu ne’e eventu dahuluk, no boa-relasaun sei di’ak liután liu husi semináriu refere.

“Ami espera katak tinan oin sei konvida universidade ne’e Magnífiku Reitór sei konvida hodi partisipa iha programa sira ho peskiza no publikasaun balun. Tanba ita hamutuk bele muda ita-nia hanoin iha informasaun i teknolojia (University of Danang-Vietnam no UNTL-Timor-Leste)”.

Eventu ne’e Semináriu Internasional, parte ida husi kooperasaun entre UNTL ho University of Danang, iha ne’ebé partisipa husi Estrutura UNTL, delegasaun husi University of Danang, profesór, estudante, no konvidadu sira.

Fonte:S’COSTA, H’NORI & B’MARTINS Edisaun Média UNTL

HUSIK RESPOSTA