Vizita Papa Francisco Mai Timor-Leste seidauk iha informasaun Klaru

0
385
Foto: Bispo da Diocese de Díli, Dom Virgílio do Carmo da Silva, questionado pelos jornalistas acerca do boato sobre a visita do Papa Francisco a Timor-Leste, em Licidere, sexta-feira (06/01/2017)

Dili, (ANTIL) – Amu Bispu Dioseze Dili, Dom Virgilio do Carmo da Silva, SDB, hala’o ona vizita ba Vatikanu hodi hasoru Papa Francisco iha fulan Setembru 2016 maibé seidauk iha informasaun lolos konaba vizita Amu Papa mai Timor-Leste (TL).

“Ha’u ba hasoru Amu Papa iha Vatikanu hodi koalia konaba nia vizita mai TL maibé ha’u to’o iha ne’eba, Embaixadór TL iha Vatikanu, Embaixadór Indonezia iha Vatikanu mós ba hotu hodi buka data fiksu ba Papa Francisco nia prezensa iha Timor” Don Virgilio do Carmo informa ba jornalista sira iha Dioseze Dili, Lesidere, Sesta (6/01).

Amu Bispu haktuir, iha prinsipiu Dezembru ha’u hasoru malu ho bispu Azean sira iha Kolombia no Srilanka maibé seidauk iha informasaun klaru katak Amu Papa atu mai duni kalae, nun’e mos iha 18 Dezembru 2016, Amu Bispu Dom Basilio fila hosi Europa mai mos  seidauk iha informasaun.

Entretantu, durante ne’e informasaun ne’ebé mak espalla iha públiku katak Papa Francisco iha tempu badak sei mai vizita TL maibé Amu Bispu Dom Virgilio informa katak Vizita Amu Papa mai TL seidauk Fiksu. (Jornalista: Zezito Silva/Editor: ALberto Alves)

HUSIK RESPOSTA