World Swimming Championships 2018 iha Xina, TL partisipa ho atleta na’in ha’at

0
279
Foto Google

Atleta na’in ha’at hosi Federasaun Atleta Timor Leste partisipa World Swimming Championships 2018 iha Xina. Atleta hirak nee dezloka ona ba Xina iha loron Sabadu 08 Dezembru nee. Federasaun Natasaun Timor Leste delega ona atleta na’in ha’at hodi partisipa iha World Swimming Championships 2018 ne’ebe atu hahu iha loron 11 no remata iha loron 16 fulan Dezembru.

Atleta na’in ha’at nee mak hanesan Imelda Felicyta Ximenes Belo kompete iha klase feto metru 100 kategoria free style no Ana Luisa Oafini kompete iha metru 50 free style. Domingu Remedio da Silva iha klase mane ho metru 100 free style no Jorge Joao da Silva Viegas iha klase mane metru 50 free style.

Durante nee atleta sira halo treinamentu rutina iha Piscina Baucau Villa antiga no akompanha hosi treinador Timor-oan Manuel Belo da Silva.

“World Swimming Championships ida nee hanesan dalan ida atu bele haree ita nia atleta sira nebe mak iha potensia duni atu hola parte iha jogu Olimpiku. Federasaun Natasaun iha Timor Leste iha limitasoens barak, em termus fasilidade no rekursu humanus, ita laiha treinador ida que ho nivel as atu bele treina atleta sira, maibe la’os dezafius atu ita lao ba oin,” hateten Prezidente Federasaun Natasaun Timor Leste Laurentino Guterres, liu hosi konsellu imprensa nebe mak halao iha Comite Olimpico Nacional Timor Leste (CONTL), Sabadu (08/12/2018).

Atleta na’in ha’at nee akompanha hosi Prezidente Federasaun Natasaun Timor Leste Laurentino Guterres ho treinador Manuel Belo da Silva. Ito

Fontes: Jornal Nasional Diario Edisaun 10 Dezembru 2018

HUSIK RESPOSTA